polac
/-àc/
po|lac
[CO]
-
adi.
de Polonie:
il viaç, dal cjamp di concentrament di Marchtrenk fin te «stepe» polache, al jere durât sîs lungjis zornadis (Pieri Menis, Il «miracul» di un ûf)
-
adi., s.m.
che, cui che al è nassût o che al è a stâ in Polonie:
a vevin fat Pape un polac (Agnul di Spere, Te grande place);
al è cognossût soredut par jessi un esperantist: un sostignidôr e insegnant de lenghe ausiliarie internazionâl prontade dal polac Lazarus Zamenhof (Donato Toffoli, Il lunari mai jessût - Tellini te prime vuere mondiâl)
-
adi., s.m.
[CO, TS]
ling.
lenghe slave ocidentâl, fevelade in Polonie e in diviersis comunitâts minoritariis e di migrants fûr de Polonie:
al cognosseve il latin, il grêc, l'ebraic e al si rangjave cul ongjarês, cul spagnûl, cul olandês, cul polac, cu lis lenghis de Romanie e cun altris ancjemò (Josef Marchet, Siôr Tite Cuargnâl)
