pluralisim
/-lì-/
plu|ra|li|sim
[AF]
-
s.m.
[TS]
filos.
teorie filosofiche che e viôt la realtât fate di une pluritât di ents primaris, che no si puedin ridusi, e che, cumbinantsi, a produsin dute la sô varietât di formis
-
tal pragmatisim american, concezion che la realtât e je fate di une pluritât di relazions e di entitâts che no si puedin ridusi intune leç o intun scheme
-
s.m.
[TS]
polit.
filosofie politiche che e dîs che al è di dirit che i sogjets cun interès diferents inte societât a vedin la libertât di organizâsi par partecipâ ae formazion des decisions politichis
-
cundizion che par chê i sogjets che intune societât a àn interès diferents si organizin in libertât par partecipâ ae formazion des decisions politichis e par esprimi lis lôr ideis
-
s.m.
[CO]
in sens gjeneric, rispiet e rapresentance des diviersis opinions, dai diviers interès e des diviersis carateristichis che a puedin jessi intun grup o intune comunitât:
la impuartance de tutele des minorancis e de promozion dal pluralisim linguistic e culturâl (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât);
rompi lis struturis di fier nassudis tal Concili di Trent e riproponi un cristianesim plui des origjinis che al garantive un san pluralisim di Glesiis (Roman Michelot, GLESIE FURLANE: 40 agns di impegn pe lenghe e culture furlane)