platee
/-tè-/
pla|te|e
[CO, TS]
-
s.f.
teatr.
intun teatri o intun altri ambient destinât ai spetacui, complès dai puescj pal public che al è denant e da pît dal palc:
"Eco ca il biel regâl che vuestri fi vuareva fâmi, una clâf di palc e doi biliets; un di platea e un di lozon" (Luîs Merlo, Tra parincj);
su la sene si movin e a fevelin intant che la int, in platee, si met a puest (Alviero Negro, La cjase)
-
(meton.)
public che al è ta chei puescj:
e fat un compliment, / al disè che nol ere / possibil par chê sere / di podê seguitâ il trateniment. / I palcs e la platee tignivin dûr: / "O lâ indenant, o dâ i bêçs indaûr!" (Pieri Çorut, Bolzan e la sô sagre)
-
s.f.
(fig.)
public in gjenerâl, no dome di teatris o ambients pai spetacui:
un pape che nol à pôre a frontâ lis plateis internazionâls e i ambients plui prevignûts e ostîi (Antoni Beline, Gloriis e limits di un lunc pontificât);
mancul prospetivis par cumò a son sul plan de informazion che no à ancjemò la fuarce par pandi i stes concets a une platee plui largje (Walter Tomada, Laboratori di Autonomie. 1. Cjarlins. Aministrazion)