piste
pis|te
[AF]
-
s.f.
vie che e risulte in gjenar di une ativitât di costruzion svelte o ancje dome dal passaç ripetût di int, bestiis o veicui, soredut in zonis avonde salvadiis:
in chel toc il troi al è une viere piste realizade tai timps de prime vuere mondiâl e largje fra 2 e 2,5 metris (Marco Tempo, Cjaçadôrs cuintri contadins?)
-
s.f.
percors o itinerari risiervât a cierts veicui o a cierts sistemis di circolazion:
la realizazion di un colegament tra il Friûl disore e la rêt des pistis pes bicicletis de Austrie (Renzo Balzan, Friûl di adalt fra lûs e scûr)
-
s.f.
percors fat di pueste par garis o sports di plui sortis, a segment retilini o a volts, o ben di forme elitiche o anulâr o ben di forme une vore articolade, in câs ancje cun elements di dificoltât zontâts di pueste:
lis pistis ovâls [pal speedway] a son lungjis di 340 a 420 metris (Davide Francescutti, Marama Toyo, l’istrian che al amave il speedway);
e tache la stagjon invernâl, in Cjargne si vierzin lis pistis di schi (Marta Vezzi, In Cjargne: un turisim di nicje)
-
spazi preparât di pueste par une cualchi ativitât, soredut ricreative o di spetacul, ancje no competitive:
la int e deventave mate cul boogie voogie, su dutis lis pistis di bal (AAVV, Sul florî)
-
s.f.
[AF, TS]
aer.
spazi plan e viert, doprât pes manovris a tiere dai avions e par permetiur di jevâ e di rivâ a tiere:
il cjamp di aviazion al jere scuasi tacât al paîs di Pantianins e lis pistis e i box pai arioplans, che a vevin ruvinade mieze campagne a ziravin dut ator dal paîs (Pieri Somede dai Marcs, La ultime baronade)
-
s.f.
(zerg.)
rie che si prepare par tirà sù cul nâs droghis in polvar:
parcè vâstu a impaçâti cul vin? Fasiti une biele piste di cocaine pitost! (Checo Tam, Sense)
-
s.f.
(scherç.)
esclamazion par vê libar il passaç, par liberâlu cun premure:
piste!
-
s.f.
(fig.)
schirie di indizis che a permetin di meti sù une ipotesi investigative:
cumò o capìs ce che al no mi cuadrave ta cerimonie: lis feminis si puedin contâ sui dêts! Che al sedi la piste juste? (Sandri Di Suald, Ah! la provincie);
Europol e veve esprimût lis sôs perplessitâts su la piste dal terorisim basc (Jordi Montserrat, Maçalizi di Madrid: il guvier spagnûl al ziruche)
Sin. usme
-
s.f.
[TS]
tecn., telecom., telev., cinem., inform.
linie di dâts, soredut audio, regjistrâts o riprodusûts soredut in cumbinazion cun altris o dongje di videos:
o fasevi basis musicâls pai cjantants che mi domandavin ancje di podê regjistrâ lis lôr vôs. O ai tacât cussì, cuasi par câs, cuntun prin regjistradôr a vot pistis (Alessio Screm, 30 agns di Artesuono a Cjavalì)