pirule
/pì-/
pi|ru|le
[AF]
-
s.f.
zîr svelt, moviment circolâr su se stes:
vorès balâ la staiare / cuntune pueme in dalminis, / ucant a son di armoniche / di tintine e liron; / bati il tac a ogni pirule, / fra il svoletâ des cotulis (Ercole Carletti, Di grinte);
Checo, cuntun "Oplà!", i veve fat fâ une pirule e la veve butade juste framieç dai braçs di Firmato. Lui i veve strenzût i flancs (Gianni Gregoricchio, Îr e doman)
Sin. pirulete
-
s.f.
balute o concrezion di materiâl plui o mancul sferiche o cilindriche:
pirulis di cjarte suiant metudis tal ingjustri (Elio Bartolini, Filandis)
-
s.f.
preparazion, in gjenar farmaceutiche, in forme plui o mancul sferiche o cilindriche, avonde piçule, di cjapâ par bocje:
"Âstu durmît?" "Sì, parcè che mi dan une pirule, dopo cene" (Franca Mainardis, Aiar di cjase);
zornadis disvoiadis, in spiete, ore de punture, ore di une pirule, ore di un esam (Giuliana Pellegrini, Gotis)
Sin. cidele
Cfr. capsule
-
s.f.
(fig.)
fat o situazion che si scuen sopuartâ, come une medisine che no plâs:
"O ai za capît che e sês ducj cuancj dacordo par imbroiâ un puar vecjo... je dure, ma inglotirai ancje ste pirule..." (Bepo Marion, Il liron di siôr Bortul);
il Pape dal 1717, par podê fâi gloti la pirule che i stave preparant de distruzion dal Patriarcjât di Aquilee, lu à fat gardenâl, ma lui nol è stât par nuie content (Francesc Placerean, L'ultin patriarcje: Denêl Dolfin)
-
s.f.
(fig.)
azion, iniziative e v.i. une vore concentrade tal timp:
lezions in pirulis di 30 seconts ognidune, là che Mister Mestri al propon cemût voltâ par furlan peraulis inglesis (Federica Angeli, Furlanication: cuant che il furlan al devente "cool");
tal palinsent di Onde Furlane a vegnin dadis fûr pirulis di leterature cu la leture di une des contis curtis (Redazion La Patrie dal Friûl, Leterature on the air)
Polirematichis e espressions idiomatichis
Proverbis:
- par stâ ben: pirulis di gjaline e punturis di cantine