pinel
/-èl/
pi|nel
[AF]
-
s.m.
imprest fat cuntun macet di pêi naturâi o di fibre sintetiche, blocât insom di un mani o aste, doprât soredut par piturâ, vernisâ o dâ sù sostancis licuidis o tenaris o ancje in polvar:
Zuanfrancesc al tornave sù su la armadure, al cjapave in man il pinel, lu tocjave tal colôr (Dino Virgili, La aghe da pît la cleve);
al cjapà il pinel e si metè a tirâ une linie blancje (Tarcisio Venuti, La cjase di Toni);
noaltris lis picjarin [lis locandinis] une gnot di Dicembar cun cole e pinel su lis puartis di dutis lis facoltâts, des cjasis dai students, sui mûrs des viis e des placis (Adrian Cescje, Memoriis di politiche linguistiche);
[il garzon dal barbîr] al prepare lis fuarpiis, il pinel, il cjadin,la savonade (Pieri Somede dai Marcs, La buteghe dal barbîr)
Var. penel
-
(fig., meton.)
la art de piture o il stîl di piturâ o cui che al piture:
al à fat il pitôr fin a disevot agns. Dopo al à molât il pinel par lâ a fâ modons, come ducj i zovins de sô gjenerazion (Cristina Noacco, Faliscjis);
si trate di paisaçs o di senis de vite di ogni dì rindûts cun amabil cordialitât e cuntun pinel lizêr e spiritôs (Bepi Agostinis, Storie de art in Friûl)
-
s.m.
(fig.)
strument espressîf, maniere di esprimisi:
la frute e jere une vorone plui biele di ce che Julius Cesar, cul so grês pinel, me veve piturade (Fabian Ros, Eivissa mon amour)
-
s.m.
(fig.)
çuf di pêi, plumis, fîi o fibris che al fâs di ornament:
finide Messe, i fantats di lenti si tiravin sot il tei a cjantâ di amôr, cul pinel vert sul cjapielut (Dino Virgili, La aghe da pît la cleve)
-
s.m.
[TS]
inz.
struture lungje di pieris o ciment, che de rive e jentre in perpendicolâr o in diagonâl te curint di un flum o tal mâr, par frenâ o indreçâ la fuarce de aghe
-
s.m.
[BF]
viôt confenon