pichet2 /-èt/ pi|chet [CO, TS]
- s.m. milit. grup di soldâts cuntune cierte funzion: po al cjaminà plui dret che al podeve, denant di un pichet todesc, fin a un mûr [par jessi fusilât] (Maria Forte, Cjase di Dalban); sul prin jentrâ dal paîs, ret la vile dal cont, un pichet di soldâts forescj a jerin a spietâju (Dino Virgili, La aghe da pît la cleve); la bande, il pichet di onôr, i intervents des autoritâts, i discors dai uficiâi de caserme e po il president dai combatents (Checo Tam, Lis pinessis)
- s.m. grup di personis che a fasin une manifestazion, un presidi e sim.: i pichets [dai operaris in siopar] son tal lôr puest, la vecje sanguete che te sô fabriche nus supe il sanc e dute la sô bande di laris tal ultin a devin molâ (Pieri Somede dai Marcs, Un pugn di moscjis); al ero lât a lavorâ come ducj i dîs in Vidoni e te ario glaçado dal Invier al vevo cjatât un pichet di sjioperants (Fulvio ReddKaa Romanin, Geologicamente impossibile)