pes1 /-è-/ pes [FO]
-
s.m.
animâl vertebrât che al vîf e che al respire sot aghe:
I pes a son bogns di ricognossi ogjets, di controlâ i moviments dai voi, fissâ e mantignî la fissazion oculâr su alc che ur interesse (Franc Fari, La evoluzion dal çurviel e de cussience tai vertebrâts);
i pescjadôrs vêrs no van mai a pescjâ dongje i puints, parcè che il pes nol sta tal sunsûr (Maria Forte, Cjase di Dalban);
cu la mê [cjane], invezit, mi someave di no rivà nancje a ingolosî lis passaris, che a son i pes plui sturnei (Lucio Perès, A pescje tal suei);
dopo che il mont al è mont, il pes grant al mangje il pes piçul (Josef Marchet, Sot di nissun)
- chel animâl calcolât tant che marcjanzie e robe di mangjâ: i gras dal pes (omega-3) a ridusin il pericul des malatiis dal cûr e de circolazion (Guglielmo Pitzalis, Mangje san 3); a rivavin cui cjârs fintremai a Maran e ai casons dai pescjadôrs, cul tet di stranc, dulà che la int si fermave a mangjâ il pes (Carlo Sgorlon, Il dolfin)
- a pes loc.av.
- ni cjar ni pes loc.
- cui che al duar nol cjape pes
- cui che al duar nol pie pes
- cui che al vûl pes che si bagni i pîts
- da la aghe si cjape il pes, dal fûc nuie
- il durmion nol cjape pes
- il pes al scomence a puçâ tal cjâf
- il pes al vûl fresc
- il pes grant al mangje il piçul
- pe bocje al mûr il pes
- pes cuet e cjâr crude
- Sant Andree, il pes al va in sfree
- se si vûl piâ pes, bisugne bagnâ il cûl