persian
/-àn/
per|si|an
[CO]
-
adi.
de Persie, tant che regjon de Asie o tant che stât o imperi in plui etis storichis:
chê culture persiane sflandorose che e jere grande prime che Rome e nassès (Antonella Lanfrit, La ereditât di Aquilee e je la capacitât di integrazion di culturis diferentis)
-
adi., s.m.
che, cui che al è nassût o che al è a stâ in Persie, tant che regjon de Asie o tant che stât o imperi in plui etis storichis:
[Alessandri] daspò jessi stât proclamât Re dai Macedons al partìs cuntun esercit di 30.000 soldâts e 4.500 cavalîrs par scombati i persians (Franc Fari, Identitât e universalitât inte Bibie);
Fatime Nissim, une biele zovine persiane, di pôc parsore dai vincj agns, e rivà a S. Martin, un paîs de Basse, dopo vicendis une vore complicadis (Carlo Sgorlon, Ombris tal infinît)
-
adi., s.m.
[TS]
ling.
lenghe indoeuropeane cognossude in plui fasis evolutivis de ete antighe al dì di vuê, cumò uficiâl in Iran e Uzbechistan e cu la denominazion di tazic e dari ancje in Tazichistan e Afghanistan:
la espression "Scac mat" e ven di dôs peraulis persianis: "Shah mata", che a vuelin dî: "il Re al è muart" (Nilde Teresa Negro, Zuìn di scacs);
no si cognòs cun sigurece la divignince antighe dal so non [Taraxacum]; forsit dal persian tharakhachakon = jerbe mare (Giorgio Pascoli, Il Litum: jerbis salvadiis te cusine)
Sin. farsi
Cfr. tazic
, dari