perfezionament /-ènt/ per|fe|zi|o|na|ment [CO]
- s.m. il deventâ o il fâ deventâ plui precîs, plui coret, mancul difietôs: noaltris no vin mai dit di metisi al timon, ma si vin simpri proponût di dâ solamenti une man dongje des mil e mil, che si sfuarcin di sburtâ indevant il cjar del perfezionament, del progrès (Giuseppe Ferdinando del Torre, Il contadinel. Lunari par l'an 1865); un libri riviodût plui voltis dal autôr che no si lasse cunvinci de prime ispirazion, ma che al à dibisugne di pensâ e ripensâ par puartâ cualchi modifiche o perfezionament aes sôs creazions (Gianfranco Scialino, La gnove antologjie de leterature furlane)
- s.m. di cdn., il deventâ o il fâ deventâ plui espert, plui brâf: un cors di perfezionament e di inzornament in "Lenghe furlane te scuele plurilengâl" (Patrizia Pavatti, La tutele de lenghe furlane a scuele)