pensionât pen|si|o|nât [AF]
- p.pass., adi. viôt pensionâ , viôt pensionâsi
- adi., s.m. che, cui che al è in pension, che par resons di etât nol lavore plui e al cjape un mensîl in graciis dai contribûts che al à paiât o par previdence sociâl: e ancje cumò, par dîle in confession, / [il lunari] lu stampi par fâ bêçs, no par morbin; / invece o dovarès sei pensionât (Pieri Çorut, Il Strolic mezan par l'an 1866); la clâf la ten in consegne un vieli dal borc, barbe Tin, pensionât (Vico Bressan, Barbe Tin)
- s.m. cui che al sta a pension, che al è a stâ intun puest paiant pal durmî e pal mangjâ: "Jo ca soi un pensionât, e nuie altri. Mi baste che no mi ruvinin il stomit, che mi lassin durmî la gnot e che mi lassin in pâs, cuant che o lei il gjornâl" (Bruno Paolo Pellarini, Comari 'Sese)
- s.m. permanence a pension, il jessi a stâ intun puest paiant pal durmî e pal mangjâ: [so fi] nol podeve proviodi di mandâ chei cuatri centesims pal so pensionât (Roberto Ongaro, Il muc)