penâl1
pe|nâl
[CO]
-
s.m.
part de pene di scrivi li che si met il penin:
o vin stentât a fâ lis astis cun chei penâi di cjanusse par vie che il penin impirât fra la scusse e la medole al clopave (Pieri Somede dai Marcs, Il gno prin mestri);
al veve imparât a cjantâ lis silabis sul libri, e a scrivi a planc, smorseant il penâl (Dino Virgili, La aghe da pît la cleve)
Sin. puartepenis
-
pene di scrivi intal so complès:
il vecjo al cirì un penâl, al butà jù dôs riis suntune cjarte (Maria Forte, La tiere di Lansing)
-
s.m.
(fig.)
capacitât, maniere e ativitât di scrivi:
se o ves di fâ un confront cuntun câs leterari, par dâ une idee, o scugnarès rifâmi a la storie dal dotôr Jeckyll e di Mister Hyde, chest sdoplament di personalitât contât in maniere straordenarie de fantasie e dal penâl di Stevenson. (Antoni Beline, La fabriche dai predis)
-
s.m.
(fig.)
autôr di tescj scrits:
pre Bepo Marchet, l'alter ego di Marchi e il penâl plui brilant e spiçât dai autonomiscj (Antoni Beline, La mari spirituâl de Patrie)
