pedagogjie
/-gjì-/
pe|da|go|gji|e
[CO, TS]
-
s.f.
sient.
dissipline che e studie la maniere di tirâ sù i fruts, di educâju, di insegnâur:
Comeni al fo teolic, filosof, teoric de pedagogjie e scritôr (Zorç Cadorin, Zuan Amos Comeni)
-
chê dissipline tant che materie di studi e facoltât universitarie:
a forin creâts diviers istitûts superiôrs come chei di tecnologjie, di cumierç, di agronomie e di pedagogjie (Alessio Potocco, Lis cuatri universitâts de Slovenie)
-
s.f.
maniere di tirâ sù i fruts, di educâju:
cussì a son stâts tirâts sù i mestris e professôrs, cussì e je stade direzude dute la culture taliane, cussì e à simpri cjaminât la nestre pedagogjie. I mestris di vuê a son cressûts e deventâts mestris te clime dai «vincj agn» (Josef Marchet, Scuele incurabil)