patine /pà-/ pa|ti|ne [CO]
- s.f. strât di cualchi sostance o colôr che al cuvierç alc: la cusine si imparè vecje e nere di cjalim, cu la patine dal fum sui trâfs e su la stabilidure crote (Maria Forte, La tiere di Lansing)
- s.f. creme par lustrâ scarpis: al cjol la patine par netâsi lis scarpis (Costantino Smaniotto, Maridâsi...!?)
- s.f. cosmetic par colorâ e fâ lustris i cjavei: patine pai cjavei, sblacje, sbelet / e altris cjossis che ocorin pe toelet (Pieri Çorut, Un viaç fortunât)
- s.f. (fig.) aparence esteriôr: un dûl grant i messedave il stomi e la sô false cuiete e jere une patine malinconiche (Maria Forte, Cjase di Dalban); salvâ un fregul di onorabilitât e di patine cristiane (Antoni Beline, La eterne lote dai furlans)