parlament
/-è-/
par|la|ment
[FO]
-
s.m.
tal sisteme politic contemporani, orghin coletîf costituzionâl che al à podê legjislatîf e funzion di control su la ativitât dal guvier:
in zûc [cu la leç eletorâl] no son dome lis alchimiis numerichis par vuadagnâ sentis in Parlament, ma a son soredut i dirits des personis (Marc Stolf, Italicum: simpri plui «nomen omen»)
-
complès dai membris che a metin adun chel orghin coletîf:
tal 1982, cincuante mil citadins a vevin firmât une petizion poiade di Onde Furlane par domandâ al Parlament talian la leç di tutele des minorancis linguistichis (Max Mauro, Un Friûl difarent: i 90 mhz di Onde Furlane);
a cause de seconde vuere mondiâl i podês dal Parlament [britanic] elet tal 1935 a son stâts sprolungjâts fintremai che e durave la vuere (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
l'edifici che al è sede di chel organisim
-
s.m.
[TS]
stor.
te Ete di Mieç e te ete moderne, assemblee consultive o deliberative:
il Parlament [de Patrie dal Friûl], un pôc a la volte, al deventà ancje un tribunâl che al tratave lis causis tra il patriarcje e i siei feudataris ministeriâi, lis ribelions, e i delits cuintri la pâs dal Stât (Josef Marchet, Cuintristorie dal Friûl fin sot la Italie);
tor dal 1250 la cort dal re di France si trasforme in chel che al sarà il parlament (Fabian Ros, La invenzion dal stât)