parentesi
/-èn-/
pa|ren|te|si
[CO]
-
s.f.
segn di interpunzion doprât in cubie cuntun altri speculâr, in forme di arc verticâl, che al covente par vierzi e sierâ une digression, une esplicazion, une informazion:
significazions che o vin metût jenfri parentesis (Zuan Nazzi Matalon, Notis di gramatiche)
Var. parentese
-
s.f.
(fig.)
digression, mudament di argoment intant di un discors, ancje a vôs:
la ativitât culturâl di Onde Furlane o de Cooperative di informazion furlane e à ancjemò altris moments di ricuardâ. Une parentesi: si à scrit Onde furlane o Cooperative di informazion furlane. Nol è un fal, ma un fat che al cree un tic di confusion [...] (Max Mauro, Un Friûl difarent: i 90 mhz di Onde Furlane)
-
s.f.
fase caraterizade di une cierte individualitât e distinzion dilunc di une dinamiche, di une vicende, dal procedi de storie e v.i.:
inte sô cariere di professôr e je stade ancje une parentesi in Argjentine (Ilaria Gonano, Pre Checo Placerean)