parametri /-rà-/ pa|ra|me|tri [CO]
- s.m. [TS] mat. costante arbitrarie che e fâs di riferiment par une funzion, une curve, une superficie e v.i.: trê parametris di traslazion e trê parametris di rotazion a son calcolâts par ogni scansion (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
- s.m. criteri di riferiment par une valutazion: [...] intune logjiche produtiviste, li che la umanitât e je calcolade daûr dai parametris dal sucès materiâl e de cariere (Fabian Ros, Dirit ae diviersitât intun mont splanât)