Dizionari de Lenghe Furlane

paradôr  pa|ra|dôr  [CO, TS]

1. s.m. venat. cui che inte cjace al indrece il salvadi di une cierte bande:  si poiave la cudisse tes blavis e dopo e subentravin i paradôrs, che e scomençavin a lâ jù ben planc, di no spaventâlis masse [lis cuaiis], che no si alcin (Bruno Pendulo, Rino Masutti, Cuaiatârs di Tresesin)
2. s.m. venat. sorte di rêt di cjace:  di ogni sorta di rêts, simpliçs, armadis, / paradôrs, covertôrs, sghirei, parêts / insieme, di ogni part, vegnin puartadis (Zuan Josef Busiç, La Eneide di Virgjili)
3. s.m. cui che al compagne e al indrece lis bestiis:  i paradôrs a spietavin… Tal spieli di aghe dal sfueat i nemâi a bevevin (Dino Virgili, La aghe da pît la cleve)
4. s.m. stangje tacade tai stadeis dal cjar, par tignî ferme la cjame:  rivadis lis feminis e i fruts ai cjars e ai lôr cjavai [...] si rimpinavin su lis ruedis, sul stadei, sul paradôr fin a colâ su lis sentis e li a restavin (Alan Brusini, Gnoçade cosache a Tresesin)

Polirematichis e espressions idiomatichis

• sui paradôrs loc.av.
• sui paradôrs di loc.prep.
• sui ultins paradôrs loc.av.