pandolo /-dò-/ pan|do|lo [CO, TS]
- s.m. gastr. biscot lunc, sempliç, no masse dolç, pal solit di mangjâ compagnant il vin dolç o la cjocolate: "Ûstu vê un pandolo? … Cjo, al è restât nome un! …" (Arturo Feruglio, In cîl e je une stele!…)
- s.m. (fig., coloc.) fantat o om cressût, ancje alt e grant, ma imadûr, ingjenui, che si compuarte ancjemò come un frut: "Ja le àn mitude tal cjâf chês dôs vecjis matis di sô mari e di siore Anute che àn simpri bramât di fâ sposâ i lôr fruts. E lui, pandolo come che al è, al si bute là che ûl sô mari" (Bruno Paolo Pellarini, L'anel striât); «Tu sês une vergogne…» e tontonave done Pine e lu pocave mandantlu tal jet, come se al fos stât ancjemò un frut; e lui, chel pandolo, al coreve sù ad in cuatri, sgagnint beât (Pieri Menis, Chei di Muraie)