paisaç
/-àç/
pa|i|saç
[AF]
-
s.m.
aspiet di un teritori, spec. cui siei elements naturâi:
strac e sudât, mi distirai su la jerbe, cjalant dulintor chel paisaç di alte montagne (Carlo Sgorlon, Il dolfin);
par valutâ un paisaç e la sô evoluzion tocje tignî cont des siencis umanis, de gjeografie, de economie e dal studi dal teritori (Rino Gubiani, Studi da la evoluzion dal paisaç mediant i toponims);
par une sielte politiche starloche e sassine, tacant dai prins agns otante al ven sdrumât il paisaç di une part dal Friûl di mieç (Max Mauro, Un Friûl difarent: i 90 mhz di Onde Furlane)
Sin. panorame
-
s.m.
piture, fotografie e v.i. che a mostrin la realtât naturâl, massime de campagne o di un ambient naturâl:
Giovanni Napoleone Pellis al è cognossût soredut come pitôr di paisaçs (Redazion SFF, Giovanni Napoleone Pellis. I dissens);
Carlevariis si è educât a Rome, ma al è a Vignesie che lui al burìs fûr la tematiche des viodudis topografichis, tal gjenar dal paisaç, e des incisions (Bepi Agostinis, Il sflandôr de piture dal Sietcent)