ossari /-à-/ o|ssa|ri [CO]
- s.m. lûc, pal solit edifici, che al pues jessi part di un cimitieri o struture par so cont, ancje monumentâl, li che si tegnin i vues di muarts esumâts: «Ane Tovin?... Ane Tovin?!... No le ai metude sot jo... e devi jessi un grum di agns che e je muarte... E je sigûr là... » «Dulà, par plasê?... » «Tal ossari, benedet di siôr... no po jessi plui in sepolture... e je butade fûr di tant timp incà, biade femine ancje jê.» (Pieri Menis, Un macet di sanmartinis); i vues e lis crepis lis ingrumavi, come che fasevin ducj, in cualche lûc che, dopo, pensavin i carabiniers a puartâju jù tai ossaris (Luciano Spangher, Monsanta)