orghin
/ò-/
or|ghin
[AF]
-
s.m.
unitât anatomiche e fisiologjiche dal organisim:
il dolôr al nas partint di specifics recetôrs dal dolôr […] sedi inte superficie dal cuarp (piel) sedi […] a nivel di muscui, tendins, vues e orghins internis (Franc Fari, Neurosiencis dal dolôr);
[il mâl blanc] al tache lis fueis e l'asin de ue […]. Al impedìs al orghin di cressi e al forme une polvarine blancje su la superficie (Enrico Peterlunger, Lis varietâts di vît resistentis a lis malatiis)
-
s.m.
complès di personis, servizis, uficis che al à ciertis funzions:
i orghins de aministrazion centrâl no intervignivin intai afârs internis des citâts (Fabian Ros, La invenzion dal stât);
la distribuzion dal numar di oris e je flessibile e e ven decidude dai orghins colegjâi de istituzion scolastiche (Patrizia Pavatti, Il furlan al è rivât tes nestris scuelis. Si met in vore il Regolament pal insegnament de marilenghe in regjon);
la ARLeF e ven indicade tant che orghin di riferiment pe politiche linguistiche (Carli Pup, Sot atac l'avignî de lenghe furlane)
-
mieç di informazion:
Friuli d'Oggi, il sfuei che al è orghin politic dal Moviment Friûl e al è deventât setemanâl dal 1968 (Adrian Cescje, Memoriis di politiche linguistiche)
-
s.m.
strument musicâl a tastiere, li che il sun al ven produsût cul butâ dentri aiar intune schirie di canis di metal cuntun fol:
l'orghin al mi somee une vore trascurât, cumò tes funzions nol ven doprât trop (Jolanda Mazzon, Fûr di timp);
jê e rive, cu la marcje di gnocis sunade cul orghin (Cristina Noacco, Faliscjis)
