operari /-à-/ o|pe|ra|ri [FO]
- s.m. cui che al lavore te ativitât manuâl e produtive di une imprese, industrie o altre struture: denant de sede di Solidarnosc a jerin centenârs di personis. Operaris zovins a davin fûr sfueis ciclostilâts des fabrichis di tratôrs Ursus (Agnul di Spere, Messe di misdì a Varsavie); tresinte operaris cence lavôr, tresinte fameis par tiere cence polente (Pieri Somede dai Marcs, Un pugn di moscjis); un operari si jere fat mâl e […] al scugnive stâ a cjase par plui di sîs mês; se al voleve, al podeve cjapâ il sô puest (Carlo Sgorlon, Prime di sere)
- adi. dai lavoradôrs subordenâts cun mansions pal plui manuâls: la idee nazionalitarie e chê internazionaliste dal moviment operari unidis pe ricostruzion dal Friûl (Adrian Cescje, Memoriis di politiche linguistiche)