onorari /-à-/ o|no|ra|ri [CO]
- adi. che al da o che al pant onôr, lustri, rispiet sociâl: un monument onorari
- adi. di titul, incaric e v.i., dât par ricognossi i merits di cdn., cence che al compuarti un podê efetîf: Dante Spinotti al è stât nomenât president onorari de Cineteche dal Friûl di Glemone (Redazion Lenghe.net, Spinotti president onorari de Cineteche dal Friûl); i cjalunis onoraris invezit, come che al dîs il non, a vevin i onôrs ma cence i dovês. A vevin dirit di fâsi viodi dongje dal vescul ma no erin obleâts a partecipâ a la puare liturgjie canonicâl (Antoni Beline, La fabriche dai predis)
- s.m. paie, compens in bêçs par un servizi, par une prestazion, soredut di un professionist o di un funzionari: "Pal mio onorari e par chel che o ai fat, no us domandi nuie" (Pieri Somede dai Marcs, Interès malandret); un aument di onorari di 400 mil francs al mês (Riedo Pup, A restin nome carabinîrs e predis)