olimpic
/-lìm-/
o|lim|pic
[CO]
-
adi.
dal Olimp, soredut tant che lûc divin de religjon greghe classiche:
Apol, divinitât uraniche, gjo olimpic de lûs (Adrian Cescje, Viaç aes origjins dal Logos)
-
(fig.)
imperturbabil tant che lis figurazions classichis des divinitâts greghis:
pre Bepo Marchet al è l'esempli plui splendit di inteletuâl olimpic e solitari (Antoni Beline, Autonomie come categorie spirituâl)
-
adi.
de citât greghe di Olimpie:
di mancul evidence ancje se impuartantis a son lis basis dai edificis dal Bouleuterion olimpic (Adrian Cescje, Viaç aes origjins dal Logos)
-
adi.
des olimpiadis:
la flame olimpiche e à lassat la Grecie e passant par ogni continent e je rivade in Cine (Chiara Segrado, Olimpiadis in Cine, une cuistion politiche);
chest nol gjave che il mût che il CONI e la Italie a àn tratade la candidature olimpiche di Tarvis al sedi stât une vore ofensîf (Giorgio Cavallo, L'afront des Olimpiadis)
