Dizionari de Lenghe Furlane

numeric  /-è-/  nu|me|ric  [CO]

1. adi. dai numars, che al à a ce fâ cui numars:  logjiche e matematiche a costituirin lis lôr teoriis di resonament […]; chês logjichis pal resonament in se, chês altris pal resonament su lis relazions numerichis e gjeometrichis (Adrian Cescje, Viaç aes origjins dal Logos)
   Sin. numerâl
   
   1. che al è formât di numars, rapresentât cui numars o che al rapresente numars:  scrivi lis letaris cui acents cjalcjant insiemi Alt e un numar de tastierute numeriche (Andrea Decorte, Cemût… digjitâ furlan!)
   2. che si fâs cui numars:  ogni tentatîf di riprodusi il nivel di vuê o di doman de cualitât dal aiar cun simulazions numerichis al devi sei poiât su modei meteorologjics une vore afidabii (Dario Bianchini Giaiotti, Fulvio Stel, Modelistiche numeriche pe valutazion e gjestion de cualitât dal aiar)
2. adi. che si fonde sul numar, su la cuantitât:  la classe dirigjente e à di vê une componente numeriche impuartante di zovins (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
   Sin. cuantitatîf