Dizionari de Lenghe Furlane

nucleâr  nu|cle|âr  [AF]

1. adi. dal nucli, che al forme o al interesse un nucli
2. adi. [TS] chim., fis. dal nucli dal atom
3. adi. che al dopre la energjie di fission o di fusion dal nucli atomic:  produsi urani fissil par alimentâ reatôrs nucleârs (Alessandro Pascolini, Un mont cence armis nucleârs. Sfidis sientifichis e tecnologjichis)
   Sin. atomic
   
   1. dai dispositîfs, tant che centrâls energjetichis, motôrs, armis e v.i., che a produsin o a funzionin in graciis di chê energjie:  mai si sarès imagjinât che i Sovietics, spaurîts pe manovre NATO "Able Archer", a vessin alertât i bombardîrs nucleârs (Checo Tam, Un cjasâl, une vuere nucleâr)
   2. che al à a ce fâ cun chê energjie e cun chei dispositîfs:  i plui grancj problemis sanitaris e sociâi dai incidents nucleârs a son causâts des emissions radioativis tal ambient tor ator (Alessandro Pascolini, Il disastri de centrâl nucleâr di Fukushima Dai-ichi)
4. s.m. dome sing., la industrie, la tecnologjie e la produzion di energjie cu la fission o fusion dal nucli atomic:  discussions sul implei dal nucleâr par produsi energjie eletriche (Max Mauro, Un Friûl difarent: i 90 mhz di Onde Furlane)
5. adi. [TS] biol. dal nucli de celule:  lis analisis plui resintis dal lôr DNA nucleâr a mostrin che lôr [i oms di Neanderthal] a contribuissin tra il 1% e il 4% al DNA dai umans che vuê a esistin fûr de Afriche (Claudio Tuniz, Evoluzion umane: la sience e mostre i segrets des nestris origjins)