novante
/-à-/
no|van|te
[FO]
-
s.m.
numar che al corispuint a nûf desenis e segn che al rapresente chel numar:
[gjavant i numars de tombule] «Setantesiet», al sberlave, e la place, sot vôs: «lis gjambis des feminis»; «cuarantecuatri…» «cjadreutis»; «dîs…», «i comandaments»; «novante…», «il nono» (Pieri Menis, Chei di Muraie)
Var. nonante
-
adi.num., pron.num.
in cuantitât di nûf desenis, ancje cun valôr sostantivât o cun sostantîf sotintindût:
al calcolave di vê vuadagnât sù par jù novante cjartis di mil (Carlo Sgorlon, Prime di sere);
finalmentri al podeve, dopo disesiet mês, abraçâ sô mari, une viele di novante agns (Giovanni Pillinini, Zuan Batiste Cavedalis - Une vite esemplâr);
mê none Santine […] a 'nd veve novante sunâts (Alan Brusini, Amîs come prime)
-
adi.num., s.m.
ancje cun valôr di ordenâl o identificatîf intune serie o intune categorie
Sin. novantesim
-
s.m.
novantesim an di un secul:
al è dal novante… Di Fevrâr… (Gianni Gregoricchio, Trê feminis)
-
adi.num.
ancje cun iniz. maiusc., dal ultin deceni di un secul:
ai prins agns novante si viôt une fase gnove inte culture furlane (Max Mauro, Un Friûl difarent: i 90 mhz di Onde Furlane)