normatîf
nor|ma|tîf
[AF]
-
adi.
des normis, che al à a ce fâ cu lis normis, cu lis regulis:
o sai ben che chescj popui [catalans, bascs e galizians] a domandin plui dirits dal pont di viste politic, ma dal sigûr no puedin lamentâsi de cundizion normative des lôr lenghis (Walter Tomada, Gaston Dorren: «I furlans a àn di decidi se a son ancjemò une comunitât cuntune vision origjinâl dal mont»)
-
che al à la funzion di fissâ o fâ cognossi une norme, di meti regulis:
i unics riferiments ae lenghe furlane in tescj normatîfs, statâi o ben regjonâi, a vevin caratar incidentâl o ben a jerin di tutele de lenghe tune suaze plui largje di promozion culturâl (Donato Toffoli, Relazion dal Grup di lavôr "Planificazion linguistiche")
-
che al è formât di normis, di regulis:
intun cuadri normatîf penalizant e di disparitât, no valarà nuie la formazion di docents cualificâts o la incressite des risorsis economichis, parcè che chestis, intun contest che no à lis fondis par funzionâ, no podaran jessi dopradis (Fabian Ros, Furlan a scuele, atenzion aes peraulis)
-
che al corispuint a di une norme, a di une regule, a di un standard:
puedial cualchidun insumiâsi la imposizion di une sole pronunzie normative a ducj i talians? (Xavier Lamuela, La grafie furlane normalizade)