nominatîf
no|mi|na|tîf
[CO]
-
adi.
dal non, che al à a ce fâ cul non, che al specifiche in maniere clare il non o ancje il non e cognon:
o domandai la liste nominative des personis presintis (Sergio Cecotti, Il President)
Sin. nominâl
-
s.m.
non o complès di non e cognon e in câs altris denominazions che a identifichin une persone:
il so nominatîf al è stât scancelât des listis (Sandri Mucci, Il Trê di Avrîl di Ane);
intal 1935 l'ordinariât militâr al veve domandât dai nominatîfs par mandâ capelans militârs in Etiopie te vuere da la Abissinie (Giorgia Zamparo, Pre Bepo Marchet: culture e identitât)
-
s.m.
[CO, TS]
gram., ling.
câs che al pant la funzion di subiet:
tai nestris tescj, lis formis chês plui corintis a son cence -s: Domeni, Meni, Dumini, Meni. Graziadio Isaia Ascoli lis fâs vignî dretis dal nominatîf Dominicus (Zorç Cadorin, Cualchi ipotesi sul furlan di prin di scrivilu);
[par sloven] o vin 6 câs: nominatîf, gjenitîf, datîf, acusatîf, locatîf, strumentâl (Janez Erat, Gramaticute de lenghe slovene)
