nevrotic /-ò-/ ne|vro|tic [CO, TS]
- adi. med., psic. de nevrosi, che al à a ce fâ cu la nevrosi o cu lis nevrosis: une persone dulà che a son muartis dutis lis componentis nevrotichis e che par chest e je tornade a vivi in maniere dal dut libare (nirvana) (Franc Fari, Neurosiencis de meditazion); ce che al interesse al è il cambiament, la fuide, la trasformazion, il trasmigrâ. Dut al è simpri là di là, cence mete e cence padin, un viaç par viazâ, pal plasê frenetic e nevrotic de instabilitât, dal dislidrisament (Fabian Ros, Su metiX babel feliX)
- adi., s.m. med., psic. che, cui che al patìs di disturps psichics tant che fobiis, ossessions, ansie, panic e v.i.: dulà che al era un paîs armonic adès a è una sitât di rincoionîts nevrotics che a si svenin doma par crompâ (Stiefin Morat, Donald dal Tiliment)