neolitic /-lì-/ ne|o|li|tic [CO, TS]
- adi. paleont., paletnol., stor. de fase plui resinte de Ete de Piere, caraterizade de tecniche de piere pulide, de ceramiche e de agriculture: cu lis primis comunitâts neolitichis e cambie une vore la fisionomie culturâl e ecologjiche dal Friûl rispiet ai timps prime (Andrea Pessina, Gaetano Vinciguerra, La preistorie in Friûl)
- s.m. paleont., paletnol., stor. ancje cun iniz. maiusc., ete preistoriche caraterizade de tecniche de piere pulide, de ceramiche e de agriculture: il materiâl cjatât [a Sant Pieri dai Sclavons e a Sant Quarin] al va dal neolitic o forsit dal mesolitic fintremai ae fin de ete dal bronç (Bepi Agostinis, Storie de art in Friûl); tal Neolitic la osservazion dal cîl e coventave a definî i timps des ativitâts agrariis e des cerimoniis e i rituâi di tantis religjons a jerin leâts aes stagjons (Mario Martinis, Archeoastronomie)