nazionalisim /-lì-/ na|zi|o|na|li|sim [AF, TS]
- s.m. stor., polit. complès di ideis e di azions politichis fondât su la esaltazion de nazion intune cressite di potence o su la rivendicazion dai dirits di autodeterminazion di une nazion: la «regjon» e po jessi unide o federade cun altris regjons par necessitât gjeografiche e par interès economic ma no varà mai chel velen, o chês ambizions imperialistichis che a formin la medole dal nazionalisim (Josef Marchet, Europe regjonaliste); il "nazionalisim" catalan al cjape dentri indreçaments indipendentiscj, ma ancje dome autonomiscj: in gjenar, tai scandais, si declarave di ideis indipendentis il 20-30% de popolazion (Sandri Carrozzo, "Ho sabies que…?" (Savevistu che…?) Curiositâts e informazions su Catalogne e Catalan)