Dizionari de Lenghe Furlane

nanin  /-ìn/  na|nin  [CO]

1. adi., s.m. che, cui che al è une vore bas par anomaliis gjenetichis, endocrinis o metabolichis:  fantacinis, fait crosetis, / che i fantats van ducj soldâts; / avodaitsi a çuets e a gobos, / a nanins e a strupiâts (Popolâr - Valentino Ostermann, Fantacinis, fait crosetis - Villotte friulane)
   Sin. nanul , nanut
   
   1. che, cui che al è une vore bas in gjenerâl, ancje cence anomaliis gjenetichis, endocrinis o metabolichis:  il re nanin [Vitori Emanuêl III] al jere deventât imperadôr de Etiopie, in Afriche, e sotan dal Duce in Italie (Roberto Ongaro, Cretevierte)
2. adi. une vore piçul, ancje di plantis o robis inanimadis
   Sin. nanul , nanut
3. adi., s.m. (fig.) che, cui che o ancje ce che al è piçul intune cualitât che no sedi la altece fisiche
   Sin. nanul , nanut