Dizionari de Lenghe Furlane

muse²  mu|se  [CO, TS]

1. s.f. mitol. massime cu la iniz. maiusc., inte tradizion classiche, ognidune des nûf fiis di Zeus e Mnemosine protetoris des arts e des siencis, cjapadis tant che simbul in particolâr de poesie e de ativitât leterarie:  "Sinte ca", mi dîs la Muse, / e mi fâs bocje di ridi, / "Sinte ca vicin di me… / jo cognòs la rason de tô vignude" (Pieri Çorut, Pes gnocis Fabris-Bearç); a Delfi il Logos di Apol al moderave, al vuidave e al armonizave cu la profezie e la art des Musis il mont elenic intîr (Adrian Cescje, Viaç aes origjins dal Logos)
2. s.f. (fig.) ispirazion e ativitât artistiche, in particolâr leterarie:  e ciarts componiments / butâts jù a precipizi / tel boreç de la etât, i prins moments / che mi clamà la Muse al so servizi (Pieri Çorut, Ai furlans)
3. s.f. (fig.) femine che e je di ispirazion par un artist, viôt muse ispiradore