mulinâr
mu|li|nâr
[AF]
-
s.m.
cui che al ten e che al fâs funzionâ un mulin:
ricuarditi ben che il mulinâr al à di tignîsi di muldure nome un scjif par stâr (Luigi Gortani, Il matescul di Cjabie);
al jere un mulinâr, che al veve il so mulin là sù, ad ôr di un roiuç che al dismontave saltuçant di clap in clap, des monts che a son par dongje di Lauc (Josef Cjargnel, La farine dal diaul);
la aghe e cor clupant. I mulinârs a àn tal sanc chê musiche li… (Dino Virgili, Il mulin)
Proverbis:
- cui che al va dongje dai mulinârs al reste infarinât
- fornârs e mulinârs a son i ultins a murî di fam
- il mulinâr al met il Signôr difûr par che nol viodi ce che al fâs dentri
- il pedrât dal infier al è fat cu lis crepis di fornârs, mulinârs e ostîrs
- l'ultin a murî di fam al è il mulinâr
- la femine dal mulinâr e ten simpri un biel gjalinâr
- no si à di bastonâ il mus pal mulinâr
- purcit di mulinâr, cjan di becjâr, fantate di ostarie no convegnin ogni massarie
- si barate mulin ma no mulinâr
- si cambie mulin ma no mulinâr
- si mude mulin ma no mulinâr
- si mude mulinâr ma no mulin