mozion /-òn/ mo|zi|on [CO]
- s.f. domande di cjapâ in considerazion un ciert argoment e che si lu voti o che si lu fronti a nivel politic, aministratîf o di autoritât responsabile par cjatâ une soluzion: si ripuartin dôs mozions presentadis e votadis dal Consei pe istituzion de conference stesse, la mozion di Tiburzio (Psi) e Petricig (Pci) sul probleme de minorance slovene e la mozion di Peliçon (Dc) sul probleme de lenghe, de culture e de civiltât furlane (Adrian Cescje, Memoriis di politiche linguistiche); dal 1967 il mês di Novembar, e saltà fûr une « Mozion dai predis» cun 529 firmis che e diseve il so dret a la politiche: su la universitât furlane, lis servitûts militârs, la migrazion, i puescj di lavôr, i contadins, la lenghe e la culture furlane (Francesc Placerean, Cuintristorie dal Friûl dal 1866 fint in dì di vuê)