Dizionari de Lenghe Furlane

mosse  /mò-/  mo|sse  [AF]

1. s.f. moviment di une part dal cuarp o principi di moviment, ancje dome simbolic, di fâ une azion:  i fâs la mosse par piçâi i smursiei (Pieri Piçul, Vieri e gnûf); se un puar però al faseve dome la mosse di dâi cent francs, i diseve di no (Antoni Beline, Pre Pitin)
   
   1. moviment fat balant, in particolâr moviment svelt dal bacin:  a batin lis mans e i pîts, a sclochin i dêts, a cjapin i pics dal façolet e dal grumâl, a passin sot dal arc dai braçs, a sgurlin a bracet, in ponte di pîts o saltuçant, si sfiliin smenantsi: dutis lis mossis e lis mignassis dal amôr… (Dino Virgili, La aghe da pît la cleve); mosse mosse, sporcacjone / dute cuante che fâs gomit. / A ti plein le schene, el stomit / e si stuarzin, che dut stone (Zuan Minut, Le mosse)
2. s.f. azion che e à par fin un risultât:  cuant che si sarà madressude cheste cussience politiche ancje a cjase nestre, o fasarìn la mosse di proponi intun Congrès dal partît la bataie pe lenghe e pe identitât furlane (Adrian Cescje, Memoriis di politiche linguistiche)
   
   1. [TS] milit. moviment di trupis e mieçs:  studiâ lis mossis, i moviments di trupe, lis usancis di servizi, lis dadis di vuardie, di un troput di soldâts, tun dipuesit di benzine e di vuelis che i mucs a vevin platât intune boschete (Roberto Ongaro, Il muc)
   2. [TS] zûcs moviment di une casele a di une altre di un toc di scacs o di dame o altris zûcs:  cuant che un zuiadôr al fâs une mosse che e menace il re aversari, al à di dî: "Scac" o "Scac al re" (Nilde Teresa Negro, Zuìn di scacs)
3. s.f. [TS] sport inte lote e in cualchi art marziâl, moviment par colpî, cjapâ o proietâ l'aversari:  al fâs mossis di karate (Checo Tam, Avengers)

Polirematichis e espressions idiomatichis

• mosse di cuarp loc.s.f.