moscjin
/-ìn/
mos|cjin
[CO, TS]
-
s.m.
entom.com.
non gjeneric di insets alâts plui piçui des moscjis:
la sisile che a si ingose / di moscjins / par imbecâ i siei sisilins (Pieri Somede dai Marcs, La ombrene dal morâr)
Sin. moscjit
-
s.m.
entom.com.
non gjeneric di insets alâts, cun individuis feminins che intune fase de vite a son ematofacs, in particolâr in riferiment ae specie Culex pipiens:
i moscjins e becavin la sere di Astât (Domeni Zannier, La crete che no vai);
e scuen distirâsi par tiere framieç un rizîr di moscjins che i sivilin a plen tes orelis e tal doman e jeve cu la muse a ûs une mascare (Ivano Urli, Storie di Vera)
Sin. mussat1
, musson
, moscjit