Dizionari de Lenghe Furlane

more²  /mò-/  mo|re  [AF, TS]

1. s.f. bot.com., gastr. pome dal baraç, de plante Rubus ulmifolius:  al va viars Dalès, Avasinis e Oncedis. Grant spicecûi, tai baraçs, e moris. Nuie altri (Arturo Feruglio, I stivâi di Zuan Batiste)
2. s.f. bot.com., gastr. pome dal morâr, dai arbui dal gjenar Morus:  un grum di fieste dolce fra i morârs cjamâts di moris. E soreli, aghis e paveis al pareve che a mateassin cun lôr (Maria Forte, Cjase di Dalban)
3. s.f. bot.com., gastr. pome de plante Vaccinium myrtillus o pome di bosc in gjenerâl, viôt murucule

Polirematichis e espressions idiomatichis

• bati la more loc.v.
• morâr di more blancje loc.s.m.
• morâr di more garbe loc.s.m.
• morâr di more mate loc.s.m.
• morâr di more nere loc.s.m.

Proverbis:

• al è passât il timp di lâ a moris
• more nere e intenç la ue: lasse la more, cjape la ue