monarchie
/-ì-/
mo|nar|chi|e
[AF]
-
s.f.
forme di guvier che e previôt la presince di un re o un imperadôr:
i Celtics a jerin dividûts in putrops grops, che si governavin in forme republicane, plui di râr in forme di piçulis monarchiis (Josef Marchet, Cuintristorie dal Friûl fin sot la Italie)
-
il re o l'imperadôr stes o la lôr cjasade:
"[…] la monarchie traditore e vûl consegnâ la Italie in man de plutocrazie inglese […]" (Roberto Ongaro, Il muc)
-
stât, paîs, teritori li che e je in vore chê forme di guvier:
si ûl dî la sicureça de lis personis e de la proprietât entri dai confins de la monarchia (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)