mobil
/mò-/
mo|bil
[AF]
-
adi.
che al pues movisi o jessi mot:
se al sedi mobil, stabil, / invisibil, palpabil; / se al sei tener o dûr, / se al fasi lûs o scûr; / nissun lu à mai sintût, / nissun lu à mai vidût (Pieri Çorut, Il cjossul di siôr Toni);
i gjeneradôrs eletrics mobii a son rivâts 9 oris dopo dal tsunami (Alessandro Pascolini, Il disastri de centrâl nucleâr di Fukushima Dai-ichi)
-
di telefon o sim., che nol à bisugne di conession cuntun fîl, che si pues puartâ ator:
terminâi simpri plui diviers e complès (PC, telefon fis o mobil, iPod, iPad, televisôr…) (Valentino Castellani, La societât de informazion: cirint lis origjins)
-
s.m.
ogjet avonde grant di furniment de cjase o di un ambient, cemût che a puedin jessi taulis, cjadreis, armârs, jets e v.i.:
dentri dut al jere in ordin perfet. I mobii di noiâr netâts di polvar, il spieli dal armâr sflandorôs, il jet fat cun bleons blancs cjandits, lis parêts come a pene pituradis (Carlo Sgorlon, Il dolfin);
"O ai ancje la glacere, saveiso?" I veve mostrât un mobil di rôl, cu lis sportelis penzis tant che portons e fodrât pardut di lamiere (Gianni Gregoricchio, Îr e doman)
-
[BF]
ogjet di furniment de cjase o sim. ancje piçul:
un pocja di farina intun altri sacut, unica lôr ricjeça: una stagnada e una pladina e dôs sidons, i sôi mobii (Federigo Comelli, Il me paîs)
Cfr. massarie2