minoritari /-à-/ mi|no|ri|ta|ri [FO]
- adi. di une minorance, che al forme une minorance, che al è mancul de metât rispiet a un grup, un complès, un fenomen e v.i.: promovi la cognossince des lenghis e des culturis minoritariis, consideradis ancje come un mieç par sigurâ la pâs tal mont e la amicizie tra i popui (Donato Toffoli, Relazion dal Grup di lavôr "Planificazion linguistiche"); il segment internazionâl, une volte minoritari, al influence aromai plui dal 50% il turisim complessîf (Attilio Celant, Il rûl economic dal turisim in Italie); par "partît teritoriâl" o intint un sogjet politic che al partecipe a lis elezions, che al è organizât nome suntun teritori che al è une frazion minoritarie (in tiermins di popolazion) dal Stât (Sergio Cecotti, Il risultât eletorâl dai partîts di identitât teritoriâl - A case study: Scottish National Party); Achille Tellini […] al sarà il teoric e l'esponent di une gnove tindince politiche, dal sigûr minoritarie, ma cuntun ciert pês te storie politiche dal Friûl, che si podarès definî tant che "nazionalisim ladin" (Donato Toffoli, Il lunari mai jessût - Tellini te prime vuere mondiâl)