Dizionari de Lenghe Furlane

militance  /-àn-/  mi|li|tan|ce  [CO]

1. s.f. il fâ part di une organizazion militâr, di une fuarce armade e la dade di timp che si sta in chê organizazion
2. s.f. impegn intune lote sociâl, politiche, culturâl, rivendicative e v.i.:  o gjestivin la radio no dome in sens classic par fâ informazion e fâ difondi lis ideis, ma come un imprest di militance ative, sei sul plan "politic" cu la organizazion di diviersis petizions popolârs, sei sul plan culturâl cu la promozion di iniziativis specifichis (Max Mauro, Un Friûl difarent: i 90 mhz di Onde Furlane); o vin volût ricuardâ Riedo Pup e la sô lungje militance a pro dal Friûl (Roberto Iacovissi, Corot par Riedo Pup)
3. s.f. complès di personis che si impegnin intune lote sociâl, politiche, culturâl, rivendicative e v.i.