mie
mi|e
[AF, TS]
-
s.f.
metrol.
unitât di misure di distance di mil pas, doprade prime dal sisteme metric cun variazions daûr dal puest e dal moment storic, che in Friûl e podeve corispuindi plui o mancul a 1,7 km:
la Tresemane gnove […] e continue fûr par fûr, simpri di chê largjece, simpri vualive e simpri drete fin a Trasesin, enfre dôs filis di morârs che no àn mai fin, par siet miis a la lungje (Giovanni Gortani, Lant jù pe Tresemane);
saltant fossâi e rivuats / o scurtarai il viaç / di un pâr di miis (Pieri Çorut, Mi è lade strucje)
-
s.f.
(fig., iperb.)
in espressions che a vuelin dî une distance lungje ancje se no precise:
"Tasêt us prei, Zaneto, no stait a businâ. Us sintin une mie lontan" (Anute Fabris, A passe la scalmane)
-
ancje cence riferiment reâl a une distance fisiche, par dâ valôr di superlatîf o sim.:
cuntun riduçâ che al saveve di sfuarçât une mie lontan, al jere lât dongje de femine (Gianni Gregoricchio, Trê feminis)