metri /-è-/ me|tri [FO]
- s.m. unitât di misure fondamentâl di lungjece dal sisteme metric decimâl: la arie e jere avonde frescje: Airolo al è un paîs sui mil e cent metris sore il nivel dal mâr (Agnul di Spere, Fieste di inaugurazion); il Stadi al è une plane retangolâr di 30 metris di largjece e di 192,25 metris o di 600 pîts di lungjece che, daûr la liende, a forin misurâts di Eracle cuant che al istituì lis corsis (Adrian Cescje, Viaç aes origjins dal Logos); al cjaminave cul so pas lizêr, di vilût, a ret dai mûrs, cul so baston blanc, par vie che nol viodeve plui lontan di un metri (Carlo Sgorlon, Il dolfin)
- s.m. curdele, steche o altri imprest cun segnâts i centimetris, ancje plui lungje di un metri, che si dopre par misurâ: i miei imprescj a jerin: la see, il martiel, i clauts, la borse dai clauts, il metri di len e la curdele (AAVV, Une cjacarade cui lavoradôrs)
- s.m. (fig.) criteri di valutazion, element di confront: a judin dome in part a risolvi la cuistion altris criteris doprâts par distingui lenghe e dialet tant che la presince o no di une produzion leterarie acetabile (cuâl isal il metri di judizi, in chest câs?) (Marc Stolf, Minorancis linguistichis); si à di vê il coragjo, cuant che si fevele di certis robis, di spiegâ ancje il metri che si dopre (Antoni Beline, Paîs e citât)
- s.m. [TS] metr., let. misure tipiche di un viers poetic, individuade daûr dal numar des silabis, in particolâr di chês tonichis, de lôr distribuzion e in ciertis lenghis de lôr cuantitât: la vilote e dopre l’otonari, che al è il metri dal cjant liric monostrofic, e al è di 4 riis (Natascia Gargano, Lino Straulino: vuê al è plui anticonformist cjantâ vilotis che no cjantâ rock ‘n roll)