maridât
ma|ri|dât
[AF]
-
p.pass., adi.
cui che al à une femine
-
adi., s.m.
che, cui che al è leât in matrimoni cuntune altre persone:
e la ligrie e je dai zovins / e no dai vecjos, no dai vecjos maridâts / che le àn pierdude biel lant a messe / in chê dì, in chê dì che son sposâts (Popolâr, E la ligrie);
Gjovane e veve za fîs grancj, maridâts (Carlo Sgorlon, Prime di sere)
Sin. sposât
, vuadiât
-
adi.
di femine, che par vie dal matrimoni e à cjapât il cognon de famee dal om:
Maria Tore, maridade Barbina (Anna Bogaro, Mandi a la professore Maria Tore Barbina)
Proverbis:
- cuant che a son maridâts, il diaul ju à mangjâts
- cui che al è maridât al è une moscje cence cjâf
- la vedrane e volarès vêlu, la maridade e volarès tornâlu indaûr