marangon
/-òn/
ma|ran|gon
[AF]
-
s.m.
artesan che al lavore il len:
Micjeil al era marangon e al faseva di dut, jets e armârs, cuni e cassi (Novella Cantarutti, Micjeil di Citia);
al faseve il marangon in borc di mieç: se il legnam […] nol jere avonde biel e stagjonât, a 'nt meteve dal so, par no presentâ un mobil che al parès mâl o che, un doman, al si imberlàs (Josef Marchet, Lis predicjis dal muini)
-
buteghe di chel artesan:
la strade dal borc, cence plui invîts, si mostrave dissipade e strente tune maluserie che e veve cjapât la anime des robis. La puarte dal marangon sierade e chê dal fari, cence vôs (Maria Forte, Cjase di Dalban)
Proverbis:
- a Sant Micêl il marangon al impie il pavêr, a Sant Josef lu distude
- al fari il fier, al cjaliâr il corean, al marangon il len e al miedi i rimiedis
- il marangon al è cence scûrs, il cjaliâr in çavatis e il sartôr peçotôs