mandolât man|do|lât [CO, TS]
- s.m. gastr. dolç fat di une paste di zucar o mîl e blanc di ûf, che dopo cuete e pues restâ tenare o dure, cun dentri mandulis interiis, tipic soredut des fiestis di Nadâl: Decembar: mandolât e caramei (Toni Broili, I trucs furlans. Ombre di lunari par l'an 1851); Sante Luzie e vignive di lontan [...]. E nissun saveve ce che e puartave. Une pipine, un gurli, une cossute di coculis e nolis; i narançs; la ue passe; il mandolât… (Riedo Pup, I furlans e Sante Luzie)