maioritari
/-tà-/
ma|io|ri|ta|ri
[CO, TS]
-
adi.
de maiorance, che si fonde suntune maiorance, condividût, doprât, acetât de plui part dai elements di un grup:
personis che a àn (e a considerin) tant che lenghe proprie une lenghe divierse di chê maioritarie e plui doprade (Marc Stolf, La Leç 482/1999 tai servizis sanitaris. Pes lenghis, pai dirits e pe salût)
-
che al è sostignût di une maiorance politiche assolude:
Gusto Masin a non de minorance al domandà la peraule e si jevà a fevelâ (intant il Sindic si metè a tabaiâ cul segretari cence nancje calcolâlu, come che a fasin po i sindics maioritaris) (Dino Virgili, La aghe da pît la cleve)
-
che al costituìs maiorance, che al è la plui part di un grup o di un complès:
in dì di vuê la percentuâl di chei che a son a pro de indipendence e je maioritarie, tocjant la cuote dal 59% (Marc Stolf, Ream Unît, Johnson al vûl il "No deal" e in Scozie e in Gales e cres la voie di indipendence)
-
adi., s.m.
[TS]
polit.
di sisteme eletorâl, che al premie cu la maiorance dai elets il plui votât, ancje se in percentuâl di vôts nol rapresente la maiorance dai eletôrs:
il president al ven elet in maniere direte cuntun sisteme eletorâl maioritari a dopli turni (Tjaša Gruden, Pahor tornât a elei president, al cale però l'interès dai eletôrs)
